Translate This Page
PARKE AANBEVEEL DEUR DERDE PARTYE
Ons het nie hierdie parke besoek nie, maar is deur ander kampeerders aan ons aanbeveel. Ons glo aan hulle integriteit en glo hulle waardes en norme stem ooreen met ons sienswyse, maar kan nie hierdie inligting bevestig nie.
GAUTENG
CULLINAN
SOMABULA NATURE RESERVE
Ingestuur deur Tilla 2021
Kommentaar - Die 400Ha plaas is in 'n kloof, wat jou wild- en voëlkyk lekker knus laat voel.
Hulle het chalets, ossewaens en natuurlik hulle kampeerarea. Hulle het sewe staanplekke, waarvan vier privaatbadkamers het. Elke staanplek et sy eie braai en kraan.
Hierdie park is vir die grondpadwaens en sleepwaens bedoel en geen van die staanplekke het krag nie.
CULLINAN
WAGONDRIFT LODGE
Ingestuur deur Tilla 2021
Kommentaar - Die Lodge het 4 staanplekke op hulle klein wildsplaas, so 40Km van Cullinan af. Die laaste 2Km is 'n redelike grondpad, waar jy maklik jou padwa kan sleep. Hier is min skaduwee en ook min gras - bosveld sand.
Hulle het private ablusies by elke staanplek, asook 'n klein lapa by elke staanplek. Hulle het staproetes in die klein wildtuin en jy kan ook wildritte by hulle bespreek. Hulle het ook 'n swembad, speelparkie, trampolien en fietsry op eie fietse.
PRETORIA
RUAH PARK
Ingestuur deur Tilla 2021
Kommentaar - Noord van Pretoria langs die Dinokeng Reservaat, Hulle het 38 staanplekke met privaat badkamers. Staanplekke is so uitgelê dat jy nie bure voor of agter jou het nie. Skaduwee is skraps, maar die staanplekke het mooi groen gras.
Hulle het 'n swembad, dam en staproetes beskikbaar.
Webwerf - www.ruahpark.co.za
VANDERBIJLPARK
VAALRUS VAKANSIE-OORD
Ingestuur deur Willie
Datum - 2020
Oord op die walle van die Vaalrivier naby die Barrage. Grasbedekte staanplekke, goed versorg en skoon ablusies. Eienaar Org Bentley self betrokke by die Oord.
Tel 084 4707 939
GPS - 26˚46'2,49" S 27˚38'26,73"E
KWAZULU NATAL
PIETERMARITZBURG
DIE CLIVIA PLAASHUIS
Ingestuur deur Tilla
Datum - 2018
'n Klein privaat parkie buite Pmbg op 'n werkende suikerrietplaas. Alles is nuut gebou in 2018 en die park is eers teen die middel van 2018 ge-open.
Net 200m grondpad na die kamp. Hulle het 3 visvangdamme, staproetes en 'n pragtige tuin. Pensioennaris afslag as jy lank staan.
E-Pos errol@edelnet.co.za
Umtentweni
ANCHORS AWEIGH
Ingestuur deur Willie
Ek wil graag vir jou my beoordeling weergee van Anchors Aweigh woonwa park. Miskien vir die ouergarde beter bekend as die ou Rondalia oord van toeka se jare. Die “nuwe park” is uitgele deur Sandy wat did saam met sy vrou bestuur.
Die eerste indrukke van die boonste vlak is goed .staanplekke bo en onder is nie regtig goed uitgemerk nie, maar kan nogtans uitgeken word. Gras onder die bome is soos te wagte redelik yl met “crusher” gruis bedek waarskynlik om modderigheid te verhoed. Hoewel ons baie reen gehad het was modder nooit ‘n problem nie.
Aan die likerkant soos jy inkom is enkele bome Typianas met redelike yl blare aan die linkerkant hievan is ‘n hoe wal wat dig begroei is met plante en bome, gevolglik is daar in elk geval skaduwee hier van 4 nm af. Hierdie staanplekke is gras bedek.
Langs hierdie wal is die kragpunte en veskeie televisie skottels. Ek het aan die teenoorgestelde kant gestaan en kon did nie benut nie.
Van die staanplekke dieper in is relatief ongelyk en kleiner.
Die ablusie geriewe is beslis 5 ster gehalte en baie netjies en word goed versorg.
Die staanplekke op die onderste vlak is relatief groot maar ook nie altyd duidelik uitgemerk nie. Weereens onder die bome ‘n crusher gruislaag tussen die gra andersind waar daar nie skaduwee is nie is die gras mooi. Ook die onderste ablusieblok is 5 ster gehalte. Hier is ook ‘n onderdak lapa wat maar redelikslordig was(waarskynlik van die kampeerders)
Wasgoed was geriewe en drooglyne is ook hier.Verskeie permanente kampeerders het hier onder gestaan. Die natuurskoon is baie mooi . Die park vorm deel van die ou Rondalia oord met sy rondawels en shallets
Die hangbrug oor die rivier is tans gesluit en did is ook nie seker wanneer did weer heropen sal word nie.
Jy kan die see hoor maar nie sien nie.
Ek het ‘n maand daar gestaan en was nooit regtig verveeld nie.
DARGLE
MOUNT PARK GUEST FARM
Ingestuur deur Tilla
Datum - 2015
Kommentaar - 6 Grasstaanplekke op in werkende beesplaas in die KZN binneland. Net 4 het kragpunte - maak seker as jy bespreek. Daar is ook 'n paar kothuisies beskikbaar. Jy kamp hier om die natuurskoon te geniet, te stap, voels te kyk en kan ook jou geluk in die foreldam beproef.
Tel 033-234 4601
LIMPOPO
BELA BELA
ATKV KLEIN KARIBA
Ingestuur deur Jantjie
Datum - 2015
Kommentaar - Ons het die afgelope week by Klein Kariba gekamp. Wat 'n plesier is die oord nie. Alles wat met die breek van die dam by Thaba Monate weggespoel of beskadig is, is herstel en verbeter. Dis werklik 'n plesier om daar te gaan kamp. Die personeel is baie vriendelik, hulpvaardig en jy kan van die vloer in die ablusies eet . Puik waarde vir geld! Die restaurant is puik en pryse regtig billik.
BELA BELA
DIE BOOTKLUB
Ingestuur deur Tilla
Datum 2019
Kommentaar - Hierdie is 'n groen paradys op die wal van hulle dam. Die staanplekke is gelyk en grasbedek. Daar is twee ablusieblokke en die staanplekke het gras en elektrisiteit. Geen swembad nie, maar 'n speelplek vir die kinders en 'n saal vir spesiale geleenthede. Putt Putt baan is nog nuut.
Die Park is so 9 Km buite Bela Bela op die Alma pad. Teerpad tot by die hek en interne pad is geplavei.
Watersport is hier koning en bote is oor naweke bedreiwig.
BELA BELA
KLEINE BELA Familie-oord
Ingestuur deur Tilla
Datum 2019 -
Kommentaar - Die Oord het 18 gewone staanplekke en ook 6 vir permanente kampeerders. Grasbedek en elke staanplek het krag en water. Bome bied skaduwee, daar is twee ablusieblokke en speelplek vir kinders. Die 55Ha perseel is 15 Km suid van Bela Bela op die R101.
Daar is ook 'n paar chalets beskikbaar.
BELA BELA
RONWIL HOLIDAY RESORT & CARAVAN PARK
Ingestuur deur Jantjie
Datum 2015
Kommentaar - Ek het op 'n tyd in julle blog gelees van Ronwil naby Warmbad. Ons was laas in die laat 80's daar met 'n kerspartytjie. Ons besluit toe om te gaan kyk hoe dit nou daar lyk. Maar o wee..... wat 'n teleurstelling. Die plek is toet-en-taal vervalle. Dit wil voorkom asof die wooneenhede nou aan permanente, agtergeblewe inwoners verhuur word. My hart wou breek as ek sien watter fantastiese potensiaal die plek het. Iemand met geld kan van die plek 'n besondere vakansie-oord maak. Maar helaas, dit lyk asof die wêreld daar gaan stil staan het en verval het toe ingetree. Wat 'n teleurstelling.
GROBLERSDAL
RIVIERSIG SELFSORG
Ingestuur deur Annatjie en Wiets
Datum - 2015
Kommentaar - Selfsorg eenhede en karavaanpark op die walle van die Olifantsrivier, so 13 Km buite Groblersdal op die Middelburg pad. Staanplekke het kragpunte en braaifasiliteite. Die ablusieblok is netjies en skoon. Veral die Boskamp is baie gewild.
HAMMANSKRAAL
DINOKENG CAMP & LEISURE
Ingestuur deut Tilla 2021
Kommentaar - Die park is so 16Km vanaf Hammandkraal, waarvan die laaste 4Km 'n grondpad is. Hulle het 20 groot staanplekke, wat duidelik afgemerk en genommer is. Die staanplekke het 'n kraan, los braai, vullisdrom en gewone 15A huishoudelike kragprop.
Die ablusiegeriewe is lekker ruim, moderm en die neersitplek by die wasbakke is 'n wenner. Die damesgedeelte het 'n bad en ook plek om jou baba te versorg. Die skottelgoed- en klerewasbak is teen die sykant van die ablusieblok. Hier is ook 'n rolstoelvriendelike badkamer.
Hulle het 'n kouewater swembad, trampoliens en 'n vlugbalbaan. Die klein winkeltjie hou net basiese voorraad aan.
Hierdie is 'n baie gewilde park en vooraf bespreking baie belangrik.
HOEDSPRUIT/PHALABORWA (Naby Kruger Nas Parl)
EKUTHULENI KARAVAANPARK
Ingestuur deur Johan en Annatjie
Datum - 2015
Kommentaar - Ses staanplekke op 'n wildsplaas langs die Olifantsrivier. Die grasbedekte staanplekke het elk 'n geboude braai met 'n kragpunt en waterkraan naby. Daar is heelwat skaduwee onder groot bome. Die ablusiegeriewe is naby die staanplekke en heeltemal voldoende. Die kinders het 'n speelplek wat hulle besig behoort te hou.
Tel - 015 793 1657
Webwerf - www.ekuthleni-hoedspruit.co.za
KLASERIE
KLASERIE KARAVAANPARK EN BOSKAMP (Naby Kruger Nas. Park)
Ingestuur deur Jahan en Annatjie
Datum - 2015
Die Park en ook die Boskamp le teen die dam en hengel is hier koning. Alle vangste moet losgelaat word en hulle het ook streng reels oor die hantering van jou vangste - maar seker hiervan by hulle kantoor. Hulle het klein bootjies en kanos te huur. Jy kan jou eie roei- en battery-aangedrewe boot saambring, maar geen petrolaangedrewe bote nie. Die staanplekke is redelik gelyk en daar is heelwat skadubome. Hulle het ook luukse tente te huur.
Tel - 015 793 2833
Webwerf - www.klaseriecaravanpark.co.za
KLASERIE
MAROELA KAMP (In die Kruger Nas. Park)
Ingestuur deur Johan en Annatjie
Datum - 2015
Kommentaar - 20 Staanplekke met elektrisiteit, op die walle van die Timbavatirivier, naby die Orpen kamp. Hier is geen ander akkommodasie nie, net kampering. Daar is 'n uitkykpunt by die rivier en ook 'n klein watergat - wild is dus volop. Daar is 'n ablusieblok en ook 'n klei kombuis beskikbaar. Onthou om eers by Orpen aan te ry om in te boek - geen kantoor hier nie.
Tel - 012 428 9111
Webwerf - www.sanparks.org
NABOOMSPRUIT (MOOKGOPONG)
EDEN PARK RESORT
Ingestuur deur Tilla
2019
Kommentaar - 'n Oord met sowat 30 staanplekke met private ablusie-/kombuisgeriewe. Hierdie is bosveld area met baie doringbome vir skaduwee. Hulle het ook 'n redelike groot wildkamp, waar hulle wildkykritte aanbied. Die Oord is so 14 Km buite Naboomspruit en alles teerpad tot by hulle afdraai.
Tel - 087 820 7240
Web - www.edenpark.co.za
NABOOMSPRUIT (MOOKGOPHONG)
LEKKER BREEK BOWLS CLUB REST & RECREATION CAMP
Ingestuur deur Tilla
2019
Kommentaar - 20 Staanplekke op 'n plaas, waar rolbal beslis die koning is.
Webwerf - www.lekkerbreekrolbal.wixsite.com/lekkerbreek
E-Pos - lekkerbreekrolbal@gmail.com
Tel - 084 741 8138
NYLSTROOM / Modimolle
ABBA-WILDLODGE
Ingestuur deur Tilla 2021
Kommentaar - Hierdie kampplek is so 16Km vanaf Nylstroom, waarvan die laaste gedeelte (+/- 11Km) 'n grondpad is. Padwaens kan dit maklik baasraak,
maar stof is 'n probleem. Hulle het wel 'n sementblad waar jy jou karavaan kan was.
Hulle het 15 staanplekke met 'n grasdak afdak, waar onder jy jou karavaan kan trek. 12 Sonder afdakke en 6 met privaat badkamers. Hier is min koeltebome, so die afdak staanplekke is 'n goeie keuse.
Die ablusies is netjies en skoon en die kamp as geheel maak 'n goeie indruk. 'n warm en koue swembad asook Put-Put baan is beskikbaar. Jy mag nie self in die wildskamp inry nie, maar bespreek 'n wildrit by die kantoor.
Webwerf - abbagamelodge.co.za
E-Pos - reception@abbagame.co.za
NYLSTROOM / MODIMOLLE
KLIPSPRINGER GASTEPLAAS
Ingestuur deur Tilla
2019
Kommentaar - Die karavaanpark is so 5Km noord van Nylstroom op die R101 en net 100m grondpad kry jou daar. Die staanplekke is gelyk en grasbedek en die ablusiegeriewe netjies. Hoewel die park naby die grootpad is, word die verkeergeraas goed deur die bome gedemp en motors is byna onhoorbaar - groot vragmotors kan soms bietjie brul.
Hulle het 'n spesiale aanbod van R1,800 per maand vir pensioenarisse.
Martin en Louise kan by 083 785 3475 bereik word.
PHALABORWA
BALULE KAMP (in die Kruger Nas. Park)
Ingestuur deur Johan en Annatjie
Datum - 2015
Kommentaar - Hierdie is 'n wildernis kamp, sonder elektrisiteit en net met basiese geriewe. Dit is naby die Olifantsrivier en net ligweg omhein - hier is jy baie naby aan die natuur. Daar is 15 staanplekke, met baie skadubome vir somer koelte.
Tel - 012 428 9111
Webwerf - www.sanparks.org
PHALABORWA
FOREVER RESORTS PHALABORWA SAFARI PARK (Naby Kruger Nas. Park)
Ingestuur deur Johan en Annatjie
Datum - 2015
Kommentaar - Slegs so 200/300 meter van die Kruger Nas. Park se Phalaborwa hek, is die 47 staanplek park, wat ook so 10 luukse permanente tente het. Elke staanplek het 'n elektriese punt, braai en elke twee deel 'n kraan met munisipale water. Daar is 'n kinderspeelpark, swembad en klein winkeltjie.
Tel - 015 781 7500
webwerg - www.foreversa.co.za
PHALABORWA
NGULUBE GAME LODGE
Ingestuur deur Tilla
Hulle het 4 staanplekke wat op die Selati rivier uitkyk en jy is anselfsprekend op 'n wildsplaas met die voordele hieraan.
Tel 078 965 7645
Webwerf - www.ngulube.co.za
PLETTENBERGBAAI
TZANEEN
CORAL TREE CAMP
Ingestuur deur Tilla
Datum 2019
Kommentaar - Hierdie kampplek is in Magoebaskloof en het net een staanplek wat jy net met 'n 4X4 kan bereik - minimum 2 persone, maksimum 6. Die kamp is op 'n plato, met uitsig oor die Magoebaskloof, op die Tupelo Honey Farm, waar ook kruie gekweek word. Die kampplek het 'n onderdak kombuis en warm water vir die - en die buite badkamer, word met 'n donkie verhit. Hier is nie krag nie, maar daar is wel sonkrag vir die ligte. Klein honde word toegelaat, maar jy moet vooraf reëlings tref.
Hulle het ook ander huisvesting beskikbaar.
Tel 082 335 6803
E-Pos bookings @theherbcottage.co.za
VAALWATER
E-BAHITI GAME LODGE
Ingestuur deur Tilla
Datum 2019, 2021
Kommentaar - Die Park is so 35Km noord van Vaalwater op die Melkrivierpad. Minder as 1Km goeie grondpad tot by jou staanplek. Die staanplekke is gelyk, grasbedek en goed afgemerk, sodat jy nie jou buurman se erf sal beset nie. Hulle het baie moeite met die ablusieblok gedoen. jy sal maklik glo dat jy in 'n goeie hotel se privaat badkamer instap. Daar is Escom krag en boorgatwater beskikbaar by elke staanplek.
Hulle het 'n spesiale tarief van R2,200 per maand vir pensioenarisse gedurende 2019 - maak gebruik daarvan.
Tel 082 458 6054 of 067 189 2002
MPUMULANGA
BLYDERIVIER
FOREVER RESORTS - BLYDE CANYON
Ingestuur deur Johan en Annatjie
Datum - 2015
Kommentaar - Soos alle Forever parke, is die park netjies en goed bestuur. Daar is 32 staanplekke en 'n horde huisies van verskillende groottes. Die park is hoog in die Drakensberge met 'n pragtige uitsig oor die raffyn en dam. Daar is twee netjiese ablusieblokke wat deeglik skoongehou word.
Tel - 086 122 6966
Webwerf - www.foreversa.co.za
ERMELO
HEINS FARM RESORT
Ingestuur deur Tilla
Datum - 2015
Kommentaar - 30 Gelyk en grasbedekte staanplekke op 'n werkende plaas. 12 Km vanaf Ermelo op die Middelburg (N11) pad
Tel 017-811 4216
HAZYVIEW
KIAAT KARAVAANPARK
Ingestuur deur Johan en Annatjie
Datum - 2015
Kommentaar - 14 Staanplekke op gras maar met geen skaduwee nie. Daar is twee ablusieblokke, baie luuks en netjies, maar net met storte, geen baddens nie. Twee opwasplekke, yskas geriewe en was- en droogmasjiene.'n Goed bestuurde, netjiese park
Tel - 013 737 7401
Webwerf - www.kiaatcaravanpark.co.za
HAZYVIEW
TRANQUIL NEST (Naby Kruger Nas Park)
Ingestuur deur Johan en Annatjie
Datum - 2015
Kommentaar - Super luukse kampplek naby die Numbi hek van die Kruger Nas. Park. Hier is net 4 staanplekke, elk met private ablusie- en kombuisgeriewe. Geriewe word daagliks skoongemaak. Hier is baie inheemse bome en dus ook 'n ryk voellewe. Beslis vir die kieskeurige kampeerder.
Tel - 082 556 9383
Webwerf - www.tranquilnest.co.za
HOEDSPRUIT
DIE ARK SAFARI LODGE
Ingestuur deur Tilla 2021
Hierdie Oord is in die Guernsey Nature Reserve in die Klaserie distrik en nagenoeg aan die Orpenhek van die Kruger Nasionale Park, om die Park op 'n dagbesoek te gaan verken
Tel - 083 226 6591
MORGENZON
HENBASE LODE
Ingestuur deur Tilla
Eintlik tussen Morgenzon en Amersfoort op 'n werkende plaas. Hulle het 16 staanplekke met gras of plaveisel. Elke staanplek het 'n kragpunt, kraan en braai. Daar is 4 ablusieblokke en speelplek vir die kinders. Hulle restaurant is oor naweke en vakansiedae oop.
NELSPRUIT - MBOMBELA
ASANTE SANA HOLIDAY RESORT
Ingestuur deur Tilla
Kommentaar - Hierdie oord was eers bekend as Golden Spot Resort. Die Oord is so 15 Km wes van Nelspruit op die N4 by die dorpie Alkmaar. Hier is 30 grasbedekte staanplekke met elektrisiteit en water. Dit is 'n groot Oord waar funksies en troues aangebied word.
NELSPRUIT - MBOMBELA
HIPPO WATERFRONT LODGE
Ingestuur deur - Tilla
Datum besoek - 2015
Kommentaar - Reg langs die N4 so 14Km buite Nelspruit. Die oord het 'n hele paar huisies en ses staanplekke, elk met 'n private badkamer. Die oord is op die walle van die Krokodilrivier en daar is hengelplekke en ook inwonende seekoeie vir jou vermaak. Die oord is netjies en goed versorg.
Tel - 082 825 1105
Webwerf - www.hippowaterfront.com
E-Pos - hippowaterfront@absamail.co.za
PIET RETIEF
SUNDOWNER LODGE & CARAVAN PARK
Ingestuur deur Tilla 2021
Kommentaar - Die oord is net buite Piet Retief op die N2. Hulle het chalets, houthuise en 'n karavaanpark. Hulle kroeg en restaurant ia oop vir alle inwoners. Hulle 'n gim, konferensiesentrum, swembad en vermaaklikheids area. WiFi is gratis.
Die karavaanpark is gelyk en het heelwat bome. Die Ablusiegeriewe is modern en was silwer skoon. Die 20 staanplekke het almal kragpunte.
Tel - 071 612 5094
Webwerf - wwwsundownerpietretief.co.za
WATERVAL BOVEN
ELANGENI HOLIDAY RESORT
Ingestuur deur - Chris Smit
Datum besoek - 2011
Kommentaar - 50 Staanplekke op 'n plaas 17Km buite Waterval Boven langs die Elandsrivier. die staanplekke is grasbedek, redelik gelyk en daar is heelwat bome. Die ablusies is oud, maar word skoongehou. Hulle het ook 'n swembad (nie te mooi), lapa, saal, en "laundry". Net kampeerders word toegelaat met ingangsbeheer by die hek. Selfoon ontvangs is nie goed nie.
Tel - 013-257 7071
KOMATIPOORT
MARLOTH KARAVAANPARK (Henk van Rooyen Karavaanpark)
Ingestuur deur - Chris Smit
Datum besoek - 2011
Kommentaar - 10 Staanplekke 23 Km buite Komatipoort in die privaat wildtuin, Marloth Park. Die staanplekke het kragpunte en privaat badkamers. Daar is ook kombuis en braaigeriewe. Die swembad en wildbesigtigingsritte hou jou besig. Daar is ook goeie restaurante beskikbaar.
Tel - 013 - 792 4604 Sel 082 726 5948
MALELANE
HENK VAN ROOYEN HOLIDAY RESORT
ingestuur deur - Chris Smit
Datum besoek - 2011
Kommentaar - 'n Plaas park met 10 staanplekke. Die oord is in die private wildtuin, Marloth Park, 37 Km vanaf Malelane. Die grondpad draai uit vanaf die N4. Die park is langs die Krokodil rivier in 'n rustige natuurlike omgewing met mooi natuurtonele.
Tel - 082 - 653 4454
MIDDELBURG
DE VOETPADKLOOF RESORT
Ingestuur deur - Chris Smit
Datum besoek - 2011
Kommentaar - Die park is gelee in 'n 600 Ha natuurreservaat 40 Km noord van Middelburg. Die 46 staanplekke is gelyk en met kragpunte. Die tent areas is met plaveisel bedek. Hulle het 3 moderne ablusiegeriewe, met opwasgeriewe en 'n "laundry" met wasmasjien en droer. Daar in 'n warm en 'n koue swembad, putt-putt baan, 9 gat gholfbaan, 2 lapas met TV geriewe, kinderspeelgrond en winkel met dranklisensie. Daar is ook talle staproetes in die reservaat, van maklik tot uitdagend.
Tel - 013 - 245 8500
WITRIVIER
BENMARI OORD
Ingestuur deur - Chris Smit
Datum besoek - 2010
Kommentaar - Die park bestaan uit 4 staanplekke, elk met 'n privaat badkamer en kombuis. Die badkamers het 'n stort, wasbak, toilet en kragpunt vir 'n haardroeer. Die kombuis het 'n yskas, wasmasjien, 2 plaat stoof met oond, ketel, opwasbak, kas, elektriese prop en warm en koue water. Daar is ook 'n braai. Tydens hulle besoek in Julie 2010 was die park skoon en baie netjies. Die eienaars het hulle tuis laat voel en sekuriteit was baie goed. Hulle beveel die park ten sterkste aan.
Webwerf - www.benmari.co.za
NOORDKAAP
ASKAM
KGALAGADI LODGE
Ingestuur deur Tilla 2021
Kommentaar - Hierdie is die Kalahari en rooi sand is koning. Sorg dat jy op die gemaaktepaadjies bly in die kamp. Hulle het 12 staanplekke, elk met 'n privaat badkamer. Daar is ook 'n skadunetdak waarlangs jy jou wa kan parkeer en dan die skadudak gedeelte vir jou tent benut. Elke staanplek is met 'n biesiemuurtjie afgemerk.
Hulle het 'n redelike goeie winkel, restaurant en kroeg.
Webwerf - www.kgalagadi-lodge.co.za
ASKAM
MOLOPO KALAHARI LODGE
ingestuur deur Tilla 2021
Kommentaar - 12 staanplekke met privaat badkamers, wat 'n entjie weg van jou staanplek in 'n badkamergebou gehuisves is. Die Kalahari is sandwereld en die interne paaie is vasgetrapte sand. Die toegangspad van die teer af is sowat 400m lank en normaalweg in 'n goeie toestand.
Die staanplekke is ook op sand en jy kan kies tussen skadu- en volsonstaanplekke. Maak seker dat jou sleepsel sal inpas, wanneer jy bespreek. sommige staanplekke is kleiner.
Hulle het 'n swembad, restaurant en kroeg.
Webwerf - www.molopo.ncfamouslodges.com
CALVINIA
DIE KLIPWERF RUSKAMP
Ingestuur deur - Chris Smit
Datum besoek - 2011
Kommentaar - Die 3 staanplek kamp is gelee op die hoofpad deur die dorp.Hulle teiken mark is oornagbesoekers en die park is so uitgele dat jy nie hoef af te haak nie. Die park is omhein en jy kry 'n heksleutel asook 'n sleutel vir jou badkamer.
Tel - 027 - 341 1126
COLESBERG
RIVER DESTINY LODGE
Ingestuur deur Tilla 2021
Kommentaar - Hierdie 16 staanplek oord is op die walle van doe Oranjerivier. Geskrifte wat ons gesien het dui aan dat dit so 40Km van Colesberg af is. Dit is heeltemal korrek, maar Gariep is net so 15Km weg as jy inkopies moet gaan doen. Reel dan sommer ook om in die Gariepdamwal te gaan rondloop.
Die staanplekke is mooi gelyk onder wilgerbome. Hulle het 'n kroeg en restaurant, en natuurlik die rivier om jou besig te hou.
HONDEKLIPBAAI
HONDEKLIPBAAI WOONWAPARK
Ingestuur deur Tilla 2021
Kommentaar - Ook bekend as KAMIESBERG MUNISIPALE KAMPTERREIN.
Hierdie is beslis nie 'n padwa kamp nie. Die sowat 90Km grondpad is rof en ongeskik. Kom met 'n stewige voertuig en blaas jou wiele af.
Hier kom nie baie kampeerders nie en die plek lyk ook nie juis aanloklik nie, maar gedurende die blomme-seisoen is dit beslis die moeite werd.
Hier is plek vir so 10 voertuie op 'n stuk rowwe grond met geen skaduwee nie. Die klein ablusieblokkie en die grensmure lyk maar sleg, maar die binnekant van die geriewe is heel aanvaarbaar.
Maak seker jou huishoudelike 15A prop werk - roes is hier erg. Moet ook nie te veel van die winkeltjie verwag nie - Garies is ver.
Die Namaqua Nasionale Park kan van hier af verken word, maar wees weereens gewaarsku dat die paaie in hierdie gebied veeleisend op mens en voertuig is.
KAMMIESKROON
KROON LODGE
Ingestuur deur Tilla
Kommentaar - Die Lodge is in die dorp en het selfsorg kamers te huur, asook 14 staanplekke, elk met 'n braai, kragprop en wasbak. Hulle het 'n klein winkel/geskenkewinkel op die perseel. Die dorp self se winkels behoort ook aan al jou behoefdes te voorsien.
Hierdie is natuurlik ook een van die middelpunte van die jaarlikse blommeskouspel.
Webwerf - www,kroonlodge.co.za
KIMBERLEY
MOTSWEDI KAMPERING
Ingestuur deur Tilla 2018
Kommentaar - Hierdie 6 staanplek kamp is in die Mokawa Nasionale Park. Staanplekke is in 'n semisirkel om 'n watergat (leeg in die droogte) en elkeen het 'n privaat ablusieblok. Bespreking beslis noodsaaklik en doen eers by die Mosu Lodge aan, waar die Ontvangskantoor is.
Hierdie is luukse Sanparke staanplekke en dus relatief duur. Onthou ook die grondpaaie om daar uit te kom
ORANIA
AAN DIE OEWER KARAVAANPARK
Ingestuur deur - Chris Smit
Datum besoek - 2011
Kommentaar - Orania le tussen Petrusville en Van der Kloof op die 369. 'n Stil en rustige area op die oewer van die Oranjerivier. Dit is 'n pragtige klein parkie met 20 grasbedekte staanplekke. Die staanplekke het kragpunte en daar is gesaamentlike vries en yskasgeriewe. Sommige staanplekke het skaduwee, daar is 'n hotel, moderne spa, restaurant en "laundry" beskikbaar. Die dorpie weerspieel Afrikanerkultuur en is beslis 'n besoek werd.
Tel - 053 - 207 0118
SPRINGBOK
MESKLIP GASTEPLAAS
Ingestuur deur Tilla
Datum besoek - 2018
20Km suid van Springbok op die N7. Baie gewilde restaurant wat gereeld lewendige musiek vertonings hou. Bespreek vooruit vir etes. Kampterrein netjies en skoon
Tel - 084 626 0421
NOORDWES
BRITS
HARTBEESHOEK NATUURRESERVAAT
Goeie more Flip en Tilla,
Verskoon my familiariteit asb! Maar ons is mos kampmense. Ek geniet jul wedervaringe met jaloesie en verwondering en wens telkens ek kon ook sulke ervarings deel. Ek wil egter kommentaar lewer oor twee kampplekke wat julle beskryf: 1. Hartbeeshoek Natuurreservaat. Die kampplek is goed bekend aan my want ons gaan gereeld daarheen juis omdat die natuur so ongerep is, die kampplek altyd spik netjies en skoon is, die staanplekke (meeste) omring word met pragtige groen gras (jy kamp met plaveiblok onder jou sytent),die plek is nooit oorvol nie, geen ongedurige gedrag word geduld nie en die bestuur wat altyd belangstel in hul kliente. Ek weet nie wanneer julle daar was nie maar daar is geen teken van ‘n hengeldam soos in jul kommentaar nie(daar is wel by die staanplekke ‘n dammetjie waarin gehengel kan word maar dit is nie toegangklik vir bree publiek nie en is ieder geval net sowat 1 meter diep as hy vol is. Volgens jul beskrywing klink dit nie of ons van dieselfde plek praat nie. Hartbeeshoek Natuurreservaat is naby Brits en min of meer regoor DUBE natuurreservaat.
BRITS
RUST-OORD
Ingestuur deur Tilla 2021
Kommentaar - Die oord is so 21Km van Brits af, met die laaste +/- 4Km grondpad, wat met tye sleg sinkplaat kan wees. Meer bedoel vir boswaens, maar as jy jou padwa hier wil sleep, moet jy bitter stadig ry en ook jou wiele effe afblaas.
Hulle het 18 staanplekke, waarvan 2 private badkamers het. Hierdie oord is tipies bosveld met baie bosse en rooi sand.
Hulle bied 'n swembad (dam?), trampolien en kinderspeelplek aan.
Webwerf - www.rustoord.co.za
LEEUDORINGSTAD
KLIPSPRUIT RIVER RESORT
Ingestuur deur Tilla
Datum - 2020
Kommentaar - Op die walle van die Vaalrivier. Sommige staanplekke op die rivier en die ander bae naby. Groen gras en bome maak 'n mooi prentjie. Hulle het ook nou 'n boskamp ge-open vir die wat meet privaatheid soek. Hulle het ook chalets beskikbaar as jy nie wil kamp nie. Klein winkel en kroeg beskikbaar. Swembad met glybane en Put Put beskikbaar.
Telefoon - 072 858 5486
Webwerf - www.klipspruitrivertesort.co.za
RUSTENBURG
KONKA KARAVAANPARK
Ingestuur deur Tilla
Kommentaar - Hierdie is 'n groot kompleks wat hulle veral toespits op groot groepe, maar ook plek het vir gewone kampeerders. Hulle het 9 staanplekke met privaat badkamers en ook 7 gewone staanplekke. Lees gerus hulle webwerf, maar moet nie te bang wees nie, jy kamp nie tussen hulle leeus nie, maar langs die leeukamp.
webwerf - www.konka.co.za
STILFONTEIN
KLUB LOUICO
Ingestuur deur Tilla
Datum - 2015
Kommentaar - 'n Plaaskamp so 25Km van Klerksdorp en 10 Km van Stilfontein. Daar is 60 grasstaanplekke, sommige met skadubome.
GPS S26.77042 E26.79728
Tel 073-426 9330
E-Pos klunlouico@lantic.net
OOSKAAP
ALIWAL NOORD BADFONTEIN GASTEPLAAS
Ingestuur deur Tilla
Kommentaar - 'n Plaas kamp so 16 Km uit op die Goedemoed pad, op die noordoewer van die Oranjerivier. Die pad is geteer, maar daar was al klagtes dat die plaaspad nie geskik is vir 'n padwa nie. Bel eers en maak seker voor U bespreek. Hier is ses staanplekke en ook 'n warm swael bad op die plaas.
BARKLY OOS
LAZY DAYS CAMPSITE
Ingestuur deur Tilla 2020
Kommentaar - 'n Klein park in Barkly Oos wat laat in 2020 ge-open het. Geriewe is dus nog nuut en eienaars op hul tone. Vind hulle op Face Book.
Tel - 072 425 0178
GRAAFF-REINET
PROFCON-OORD
Ingestuur deur Tilla 2021
Kommentaar - Hulle het 8 staanplekke in die middel van die dorp, maar hoë mure hou jou privaat. Staanplekke is op gras en sommige het skaduwee. Speelparkie en swembad is skoon en netjies, net soos alles in die oord. Hulle bedryf ook 'n gastehuis op die perseel en jy kan dus etes bespreek.
Die ablusie geriewe is netjies en word superskoon gehou.
Hierdie is beslis die beste kampplek in die dorp en word dikwels deur buitelanders besoek.
Webwerf - profconresort.co.za
KIRKWOOD
NIESHOUTKLOOF KAMPERING
Ingestuur deur Tilla - 2016
Kommentaar - Drie kilometer buite Kirkwood op 'n plaas op die R336. Staanplekke is mooi gelyk en grasbedek. Skaduwee is maar skraps. Ablusiegeriewe is netjies en skoon.
Webwerf - www.nieshoutkloof.co.za
MaCLEAR
MIDDELBURG
CAROCHALET
Ingestuur deur Tilla
Datum - 2015
Kommentaar - 7 Grasstaanplekke en 4 chalets in die dorp. Sekerlik nie 'n eindbestemming nie, maar baie goed om te oornag.
Adres - 86 van der Waltstraat
GPS S31° 39.580 E59°.990
Tel 049-842 2910
MIDDELBURG
WELVANPAS GUEST FARM
Ingestuur deur Johan
Datum - 2015
Kommentaar - 12 Grasbedekte staanplekke op 'n plaas 14 Km vanaf Middelburg op die N9. Die 1.8Km gruispad na die Oord word goed onderhou en is maklik met 'n wa en platkar bereikbaar. Ablusiegeriewe word goed onderhou en gereeld skoongemaak. Daar is ook 'n gastehuis en twee afsonderlike selfsorg eenhede beskikbaar. Hulle het 'n plaasswembad en konferensiesaal asook staproetes beskikbaar. Kontak Rita vir besprekings.
Tel - 049 842 1826
Sel - 082 348 9123
webwerf - www.welvanpasguestfarm.co.za
GPS - S31° 22.54 E25° 02.036
MOSSELBAAI
CANNON VALLEY ESTATE
Ingestuur deur Tilia 2021
Kommentaar - Die Oord is so 40Km van Mosselbaai af op 'n plaas met 'n stukkie see-front, in die Vleesbaai omgewing. Hulle het huise en 'n paar staanplekke, met private ablusiegeriewe.
SOMERSET-OOS
DIE KAIA
Ingestuur deur Tilla
2016
Die park is op die walle van die Klein Visrivier so 4/5 Km suid van Somerset Oos. Die staanplekke is op gras, maar met min skaduwee. Neem deel aan die plaas-aktiwieteite, stap en hengel in die rivier. Krag is beskikbaar op die staanplekke en die ablusieblok word deur 'n donkie van warmwater voorsien.
Die park is op die R335 pad in die rigting van die Suurberge. Hierdie is dan ook 'n baie mooi ou grondpad deur die Suurbergpas na Port Elizabeth.
Webwerf - www.diekaia.co.za
STERKSTROOM
VALSCHFONTEIN KARAVAANPARK EN B &B
Ingestuur deur Willie
2018
Hierdie is 'n mooi oornag plek so 110Km suid van Aliwal Noord en 60Km noord vanaf Queenstown. Op 'n werkende plaas naby aan die hoofpad. Die eienaars is Pieter & Kitty Jordaan,
Tel - 082 928 0442
GPS S31°29.396' E026°42.167
STEYTLERVILLE
NOORSPOORT GASTEPLAAS
Ingestuur deur Tilla
2016
Hierdie is nie 'n formele karavaanpark nie, maar eintlik 'n baie luukse gasteplaas en "venue" Die staanplekke is op gras onder reuse skadubome, net langs die plaashuis. Waterpunte en krag is beskikbaar, maar die staanplekke nie uitgemerk nie. Beskou hierdie as 'n luukse boskamp en maak seker jou karavaan kan die kort grondpad hanteer. Die plaas is so 4/5 Km noord van Steytlerville, wat ook jou naaste winkels aanbied. Kamp hier vir 'n egte Karroo vakansie en neem deel aan die boerdery
aktiwieteite.
Tel - 082 6531 802
Webwerf - www.noorspoort.co.za
UNIONDALE
EAGLE FALLS COUNTRY LODGE
Ingestuur deur Tilla 2021
Kommentaar - 'n Mooi oord in 'n pragtige deel van die Ooskaap. Die oord is so 30Km van Uniondale af, met die laaste paar kilometers 'n grondpad. Doen navraag oor die padtoestand voor jy padwaens hierheen sleep.
Staanplekke is grasbedek en sommige het skaduwee. Elke staanplek het 'n kraan en lig en gebruik gewone 15A huishoudelike proppe.
Hulle het 'n kroeg en klein winkel, wat net noodsaaklikhede aanhou. Hier is geen selfoon ontvangs nie, maar by die kantoor kan jy reel om hulle wifi te gebruik.
WILLOWMORE
WILLOWMORE KARAVAANPARK
Ingestuur deur - Chris Smit en bevestig deur B Conradie
Kommentaar - Die 15 staanplekke is grasbedek en het meestal skaduwee. Elke staanplek het 'n braai, krag en waterpunt en 'n privaat badkamer. Daar is een ablusieblok wat rolstoelvriendelik is. Die kamp is goed gelee as jy die Baviaanskloof wil besoek.
Tel - 044 - 923 1116
Webwerf - www.baviaanskloof.co.za
VRYSTAAT
BETHULIE
DE OUDE SCHUUR KAMPPLEK
Ingestuur deur Tilla
Kampplek in Bethulie met grasbedekte staanplekke, maar ook sommige met skaduwee. Die eienaars is "hands on" en gaan uit hulle pad om jou verblyf aangenaam te maak. Is ook bereid om hulle kennis van die kontrei met jou te deel. Bly vir twee of meer nagte om die omgewing te verken.
Tel 083 251 3555
BLOEMFONTEIN
TUFF TOP ESTATES CARAVAN & CAMPING VENUE
Ingestuur deur Lena
'n Pragtige groen oase naby Maselspoort buite Bloemfontein. Hulle kweek eintlik uitrolgras en hierdie kennis word gebruik om die kampeerarea lowergroen te hou. Staanplekke is langs die Maselspoortrivier, wat in die reën seisoen 'n pragtige prentjie skep. Staanplekke is redelik groot en die ablusieblok word silwerskoon gehou.
Tel 071 606 4484
Adres 164 Wilgelaan, Roodewal, Bloemfontein
FOURIESBURG
MEIRINGSKLOOF NATURE PARK
Ingestuur deur Tilla 2021
Kommentaar - Die kamp is in die pragtige Oos Vrystaat so 2Km van Fouriesburg af. Hulle het 25 staanplekke onder groot bome. Sommige staanplekke is klein, maak dus seker jou wa sal inpas as jy bespreek.
Hier is geen selfoon ontvangs nie, maar wifi is beskikbaar by die kantoor,
Die ablusiegeriewe is netjies en voldoende. Hulle het 'n swembad en dan pragtige staproetes in die kloof.
Webwerf - www.meiringskloof.co.za
FOURIESBURG
UITHOEK NATURE PARK
Ingrstuur deur Tilla
'n Pragtige Oord met 50 kampplekke van 12 X 12 meter. Elke staanplek het krag en water. Daar is 'n paar bome vir skaduwee en heelwat gras. Die ablusieblok het ook opwasfasiliteite. Losstaande braaidromme is beskikbaar. Daar s ook twee lapas en'n swembad. Hulle bied ook heelwat buitelug aktiwieteite aan, van wildkyk tot bergklim en 4 X 4 roetes.
Webwerf - www.uithoek.com
Tel - 072 660 0840
Kliek hier vir fotos van Uithoek soos op hulle webwerf
PARYS
TAVA LINGWE GAME LODGE
Ingestuur deur Tilla 2021
Kommentaar - Die wildspark is op die R59 tussen Parys en Viljoenskroon, so 40Km van Parys af. Hulle 80 staanplekke wat deur 3 ablusieblokke bedien word. Die redelike groot staanplekke het elkeen 'n braai en kragprop. Onthou dat jy hier in die Vrystaat kamp - wintergras is skaars.
Hulle het 'n restaurant, twee swembaddens, Put-Putbaan en speelparkie.
WESKAAP
BARRYDALE
WARMWATERBERG SPA
Ingestuur deur Tilla 2021
Kommentaar - Die Oord is op die R62 tussen Montagu en Ladismith, so 30Km vanaf Barrydale. Hulle het 25 staanplekke, op gras en meeste onder doringbome - dra seblief maar skoene. Almal het nie kragpunte nie, so maak seker as jy bespreek om duidelik aan te toon as jy krag benodig.
Hule het natuurlik warm swembaddens, klein winkel, 'n bottelstoor en 'n restaurant.
CALEDON
VLOEDBOS
Ingestuur deur Tilla
Datum - 2015
Kommentaar - 'n Groot kamp met 46 staanplekke op gras en redelik gelyk. Selfsorg chalets is ook beskikbaar. Die Park is tussen Caledon en Bredasdorp op die R326.
GPS S34° 19'92" E19° 41'19"
Tel 083-359 1505
E-Pos info@vloedbos.co.za
CERES/WORCESTER
MORESON RIVER COTTAGES & CAMPSITES
iNGESTUUR DEUR TILLA 2021
kOMMENTAAR - Die oord lê mooi in die middel tussen Ceres en Worcester - 27 Km ver. Hulle het 16 staanplekke met privaat badkamers. Hulle is onder groot bome en het dus nie gras nie. Elke staanplek het 'n gewone 15A prop, lig en vullisdrom.
Die oord is op die walle van die Breërivier en hier is baie bome op die staanplekke - maak seker jou wa sal inpas wanneer jy bespreek.
Webwerf - www.moresoncottagesandcampsites.co.za
CLANWILLIAM
KEURBOS HOLIDAY COTTAGES AND CAMPING
Ingestuur deur Tilla
2018
Die Oord is 15Km suid van Clanwilliam op die Cederberg pad en 17 Km noord van Algiers Bosboustasie. Chalets en Kampeering beskikbaar.
Tel - 027 482 2610
CLANWILLIAM
RONDEBERG HOLIDAY RESORT
Ingestuur deur Tilla
Datum - 2015
Kommentaar - Langs die Bulshoekdam op die N7 so 22 Km noord van Clanwilliam. Die 26 staanplekke, waarvan twee op die damoewer, wissel van gewone staanplekke tot superluukse eenhede. Gewis 'n "upmarket" oord.
Tel 027-482 1487
Webwerf - www.rondeberg.com
CLARENS
OLD MILL DRIFT GUEST FARM
Ingestuur deur Tilla
2018
Die Oord is op 'n 600Ha plaas wat aan die Caledonrivier grens, naby die kunstenaar's dorpie CLARENS na die noorde en FOURIESBURG na die weste.
Hulle het chalets en kampplekke. Hier is baie stapgeleenthede en pragtige natuurtonele. Bel en bespreek en maak seker van die toestand van die pad voordat jy 'n karavaan hierheen sleep
DE RUST
STOMPDRIFT WATER OORD
Ingestuur deur Tilla
2016
'n Oord op die hoogwatermerk van hierdie baie mooi dam. Die staanplekke is op gras en net 'n paar het skaduwee. Elke staanplek het 'n braai, maar nie roosters nie. Jy moet ook jou eie drinkwater saambring. Die Oord is op die R341 tussen de Rust en Willowmore. Aankope kan op De Rust gedoen word, 'n pragtige kunstenaarsdorpie noord van Oudtshoorn.
Tel - 082 5777 877
E-Pos - info@stompdriftdam.co.za
GEORGE
IETSIE PLAAS KARAVAANPARK
2016
Ingestuur deur Tilla
'n Kleiner karavaanpark met net 12 staanplekke op die oomblik. Dit is suid van George, jy neem die Glentana afrit en die plaashek is net daarna. Staanplekke is op gras, maar skaduwee nog skraps. Ablusieblok was skoon, maar nie "fensie" nie. Hulle be-oog om nog een hierdie jaar te bou. Daar is damme vir "Vang-en-loslaat" hengel, speelparkie vir die kinders en jy kan op die plaas gaan stap. Glentana strand is net 'n paar kilos weg en die winkels van Grootbrak so 11 Km ver. George se groter winkels is so 24 Km ver.
Hulle het 'n kunsgallery en 'n eetplek/winkeltjie, die Plaaskombuis, by die Park. Daar is ook 'n lapa, waar hulle gemeenskaplike braaie reel.
Die eienaars, Hannes en Susan Mostert woon op die plaas.
Tel - 083 628 2074
E-Pos - hannes@ietsieplaas.co.za
GOUDINI
ATKV GOUDINI SPA
Goeie more kampbroer
Ek en my gesin het onlangs gekamp by ATKV Goudini. Ek is al jare lid van die ATKV en is baie lief vir die organisasie. Ek en my gesin sal egter nie weer daar gaan kamp nie. Dit is baie ‘bedrywig’ en jy word vertrap duer die dag besoekers. Daar is niks fout met die oord en die fasiliteite nie, dit is net baie bedrywig. My mening is getalle word nie beperk nie. Die res van die ATKV oorde in die land is tops!
Jan Du Plessis (E-Pos jand@solidariteit.co.za)
GREYTON
KLEINE EIKE ESTATE
Ingestuur deur Tilla 2021
Kommentaar - Hierdie park is so 10Km buite Greyton, langs die rivier gelee. Hulle het 15 staanplekke. Akmal is nie ewe groot nie, so maak seker jou treksel sal inpas wanneer jy bespreek.Elhe staanplek het 'n kragpunt en kraan. Daar is ook piekniek bankies beskikbaar.
Hierdie is 'n werkende plaas, wat jou saam met die rivier goed besig sal hou.
GROOTBRAKRIVIER
MOLENRIVER FARM
INGESTUUR DEUR tILLA 2021
Kommentaar - Hierdie 9 staanplek kamp is 12Km buite Grootbrak in 'n kloof.
Al die staanplekke is nie mooi gelyk nie - maak seker as jy bespreek. Hulle is egter grasbedek. Elke staanplek het 'n gewone huishoudelike kragpunt en kraan, asook 'n los braai.
Buitelug is hier koning en kom veerbereid daarvoor.
JACOBSBAAI
GANZEKRAAL KARAVAANPARK
Die woonwaklub het onlangs by Ganzekraal gaan kamp vir die naweek. Die kamp sal nie almal se koppie tee wees nie. Daar is twee kampe waar jy kan kamp, kamp A en kamp B. Ons het gevra vir kamp B omdat dit in die verste deel van die gronde is. Die ablusieblokke is oud maar skoon. Die staanplekke is gelyk en met paaltjies afgebaken. Jy bring jou eie braai saam en die Munisipaliteit maak elke dag die asblikke skoon sowel as die ablusiegeriewe. Daar is nie ʼn winkel op die perseel nie, jy kan egter hout by die hek koop. Daar is beheer by die hek maar die gronde kan uit drie verskillende rigtings binnegekom word. Daar is huisies te huur en die publiek maak mildelik gebruik daarvan. Kamp B is egter ver weg van die huisies. Ek sal nie aanbeveel dat jy alleen daar gaan staan nie, dit is bietjie afgesonderd. Ons as ʼn groep het egter lekker gekuier en lieflike weer gehad. As jy net wil rus is dit die plek vir jou.
Ek sal die een 4/10 gee omdat jy teen die see kamp en dit ʼn lieflike uitsig het.
Jan du Plessis (E-Pos : jand@solidariteit.co.za )
2014 - Waarskuwing
Ons het verneem dat misdaad hier 'n probleem kan wees gedurende die stiller tye.
Klein Brak Rivier
Outeniqa Karavaanpark
Goeiedag
Dankie vir die inligting wat u vir ons beskikbaarstel. Daar is egter een van die woonwaparke waarmee ek glad nie met u kan saamstem nie. Outeniqa karavaanpark in Kleinbrak. Volgens u gradering sal u nie die kamp besoek nie. Ek, my gesin en vriende kamp al baie jare elke Desember daar, letterlik baie jare. Hierdie is een van die beste kampgronde waar jy kan kamp. Dit is welliswaar nie n 5 ster oord nie maar dit is stil, skoon, sekuriteit en goeie bestuur.
Ek nooi u uit om Desember self te kom kyk, u sal aangenaam verras wees.
Weereens dankie vir nuttige inligting.
Kamp groete
Jan du Plessis (E-Pos jand@solidariteit.co.za )
KORINGBERG (Naby Morreesburg)
Die Ark
Ingestuur deur Tilla 2021
'n Plaaskamp met 10 staanplekke op gras. Normale plaasaktieweteite plus trekkerritte word aangebied. Hulle laat geen musiek toe nie en aanvaar ook nie kredietkaarte nie.
Tel - 083 597 0091
LADISMITH
'n Nuwe kamp wat nog in aanbou is op die plaas Dwarsrivier. 6 Staanplekke word aangele, grasgeplant en water en krag vir elke staanplek.
Ablusiegeriewe is voltooi en van water en krag voorsien. Dit is 'n baie stil en rustige omgewing en die eienaar, Andrew Bezuidenhout bly op die plaas.
Telefoon nommer is 082 551 1296 of 028 551 1545.
AANWYSINGS : Ry uit op die Lainsburg pad. Sowat 10 Km buite die dorp is die eerste afdraai na die plaas. Hou verby as jy 'n padwa sleep - hierdie is net 'n bakkie pad. Ry na die tweede Dwarsrivier bordjie, draai af op die 3 Km mooi grondpad tot by die laagwaterbruggie. Die plaas le dan aan die linkerkant
Ingestuur deur Dave
LAMBERTSBAAI
LAMBERTSBAAI WOONWAPARK
Ingestuur deur Tilla 2021
Kommentaar - Hierdie is 'n groot munisipale park met 268 staanplekke, waarvan sowat 40 privaat ablusiegeriewe het. Sowat 50 van die voorste staanplekke het 'n see-uitsig, maar hier is min skaduwee en jy staan in die tande van die wind. Maak goed vas. Staanplekke is op harde sand.
Hulle het drie gemeentskaplike ablusieblokke. Dit is tipies munisipaal en oud, maar word goed skoongehou.
Hier is speelplek vir die kinders en dan die see om jou besig te hou.
Webwerf - www.cederbergmun.gov.za
MONTAGUE
MONTAGUE KARAVAANPARK
Flip
Dit is beslis die moeite werd om by Montague
woonwapark penne in te slaan. Ons het Junie 2013 daar gekampeer vir die lang
naweek. Die oord is baie netjies, die bestuur is uitstekend, hulle maak gereeld
ʼn draai sonder om lastig te wees. Die ablusie geriewe is skitterskoon. Die water
word deur gas verhit so daar is altyd warm water (ons het gekamp toe dit een
aand -3 grade gedraai het) en daar was altyd warm water.
Die staanplekke is gelyk, groot, baie gras en
genoeg koeltebome. Daar is ʼn verhitte swembad onderdak, ʼn koue swembad buite en
ʼn water glybaan. Daar is ook ʼn groot saal met ʼn groot binnebraai, ons het lekker
gekuier in die saal langs die braai. Die oord is baie gewild maar ek het nooit
die gevoel gekry dat dit nou baie ‘bedrywig’ is nie. Daar is ook ʼn klein dam
waar pa en kleinboet kan visvang. Jy kan ook roeibootjies
huur.
Toegang word beheer en daar is sekuriteit 24
uur. Ons het ten alle tye veilig gevoel.
Ek beveel die oord sterk aan.
Hierdie is ʼn 8/10 oord.
Groete
Jan du Plessis (E-Pos jand@solidariteit.co.za )
MOSSELBAAI
LA VENUE MOSSELBAY
Ingestuur deur Berni
2021 - Klein en redelik onbekende park te 40 Rooikat Straat, Mosselbaai, op 'n kleinhoewe in Aalwyndal. (Naby die Lughawe) Hulle het huisies en kampplekke, maar is meer bekend as 'n trouvenue. Sommige staanplekke is maar ongelyk.
Tel - 076 612 4813
PIKETBERG
KLEINE PARADYS
Ingestuur deur Tilla
2021 - Hierdie is 'n luukse plaas oord. Staanplekke is op plaveisel, het eie badkamer, braai en kragpunt. Hierdie is 'n baie mooi area en die uitleg ia goed gedoen. Die staanplekke se grootte wissel, maad dus seker dat jou karavaan sal inpas.
Hulle het 'n plaaswinkel, wasmasjiene, warm swembad met glybane, 'n speelpark, kanos en natuurlik visvang.
Webwerf - www. kleineparadys.co.za
(Ons wou hier kamp vir 'n paar nagte, net om die plek te verken, maar die administratiewe rondslomp om te bespreek, was net te veel en ons het maar verbygehou)
Tel - 084 206 3190
PLETTENBERGBAAI
ASTI LODGE ACCOMMODATION
Ingestuur deur Tilla
Kommentaar - Hierdie plaaskamp is buite die dorp. Die afdraai is aan die linkerkant, maar ons het bietjie gesukkel om daar uit te kom. As jy by die Sasol Garage uitkom, het jy verby gery. Hulle is wel op Google Maps en die ruitverwysing is 34º03'06.4S 23º16'501E
RAWSONVILLE
ALARTSOEWER
Ingestuur deur Tilla
2018 - In die Louwshoek omgewing. Ongemerkte staanplekke op 'n gelyk en grasbedekte area. Hulle het 'n paar afdakke vir skaduwee. Maak seker van die toegangspad se toestand voordat jy 'n padwa hierheen sleep. Hierdie plek is vir rus en stilte.
Tel 082 861 8792
Sien facebook vir meer inligting
RAWSONVILLE
ALTYD WATER KAMPERING
Ingestuur deur Tilla
Hierdie park is op die walle van die Smalblaarrivier tussen die wingerde, naby die Du Toitskloof kelder. Staanplekke is grasbedek met jong boompies vir skaduwee. Stilte is hier koning.
Tel 083 682 2844
E-Pos - geiland@compnet.co.za
RAWSONVILLE
SLANGHOEK BERGOORD
Ingestuur deur Tilla 2021
Kommentaar - Hierdie luukse kamp bied 18 privaat staanplekke aan, met groen gras. Staanplekke is groot genoeg vir 'n 4 wielwa. Kragproppe is gewone 15A huishoudelikes en jy het natuurlik water en 'n vullisdrom by jou staanplek.
Hierdie is druiwe en wyn wereld. Groen in die lente en in herfskleure getooi later in die jaar. Slanghoek Kelder het ook puik wyne.
Webwerf - www.slanghoekresort.co.za
RAWSONVILLE
STILLE WATERS KAMPTERREIN
Ingestuur deur Tilla
2018 Plaas kampering op 'n oop stuk gras met geen skaduwee. Staanplekke is nie afgemerk nie en het nie kragpunte of water nie. Hulle het 'n lapa en gemeenskaplike braai. Die ablusieblok is in 'n klipgebou en "rustic"
Sien Facebook vir meer inligting
ROBERTSON
SILWERSTRAND KARAVAANPARK
Hallo Flip, vertrou dit gaan wel met julle.
Ons woonwaklub het onlangs by Silwerstrand by Robertson gekamp. Ons het vier (4) nagte geslaap. Silwerstrand was n baie groot kamp gewees. Die boonste gedeelte van die kamp is tot niet gemaak vir n golf landgoed wat ontwikkel word. Die onderste gedeelte is nog beskikbaar. Daar is ongeveer 40 staanplekke oor.
Die kamp het redelik koeltebome, van die staanplekke is ongelyk en jy moet jou woonwa eenkant lig onder die wiele. Die ablusieblokke is oud maar word skoongehou. Dit was bitter koud die vier dae wat ons daar gestaan het en daar was altyd vuurwarm water. Die kampterrein was byna vol.
Daar is watersport beskikbaar, jy kamp langs die Breede rivier. Bestuur wat inwoon op die gronde is baie sigbaar. Jy kan ook hout by die ontvangs koop, redelik goedkoop. Daar is egter nie n winkel op die oord nie maar Robertson is twee (2) km van die oord af.
Die storthokkies is gerieflik. As daar een
klagte van my kant kan wees is dat die stortgordyn tussen jou en die deur aan
jou sterre vasklou, maar dit is my probleem. Jy moet ook jou eie toiletpapier
saam bring.
Hierdie is n 6/10 kampplek.
Jan du Plessis (E-Pos jand@solidariteit.co.za)
SWELLENDAM
UMSHANTI BUFFELSJAG
Ingestuur deur Tilla
Kommentaar - Hulle het 'n 5 staanplek park op gras. Elkeen het krag, 'n lig, water en braaiplek. Hulle het 3 klein ablusies, elk met stort, wasbak en toilet.
Water is hier koning en behalwe vir die warmwater is hier ook 'n groot dam vie allerlei watersport. Die plaas is so 600Ha groot, so bring jou loopskoene en fietse saam.
VANRHYNSDORP
LANGVERWACHT GUEST FARM
Ingestuur deur Tilla
Kommentaar - Hierdie plaaskamp is op 'n 800 Ha plaas, 20Km buite die dorp op die R27 pad.
Hulle het net vier staanplekke, almal op 'n sementblad.
Stilte is hier koning. Los ook maar al die elektriese-toestelle by die huis, hier is geen krag nie.
KLIEK HIER AS U ONS WIL KONTAK